Gjykata Themelore në Prishtinë ka vendosur të vazhdojë masën e paraburgimit edhe për dy muaj për pesë të dyshuarit lidhur me vrasjen që ndodhi më 1 shtator në lagjen “Aktash” në Prishtinë.

Zëdhënësja e Gjykatës Themelore, Mirlinda Gashi, ka konfirmuar për Arbresh.info se masa e paraburgimit është vazhduar për Korab Gashin, Valdrin Ademin, Robert Llumincën, Salih Sekiraqen dhe Fatos Abazin.

“Me datë 29.11.2024, Gjykata Themelore në Prishtinë – Departamenti për Krime të Rënda ka aprovuar kërkesën e Prokurorisë Themelore në Prishtinë për vazhdimin e masës së paraburgimit ndaj të pandehurve K.G, V.A, R.Ll, S.S dhe F.A”, ka thënë Gashi.

Ajo ka shtuar se të pandehurve u është vazhduar paraburgimi për një periudhë prej dy muajsh

“Referuar kërkesës tuaj për informata, ju njoftojmë se me datë 29.11.2024 Gjykata Themelore në Prishtinë – Departamenti për Krime të Rënda ka aprovuar kërkesën e Prokurorisë Themelore në Prishtinë, për vazhdimin e masës së paraburgimit në çështjen penale ndaj të pandehurve K.G, V.A, R.Ll ,S.S dhe F.A”, ka thënë Gashi.

Ajo ka shtuar se të pandehurve K.G, V.A, R.Ll ,S.S dhe F.A iu është vazhduar masa e paraburgimit në kohëzgjatje prej 2 muaj, për secilin./Arbresh.info